世界𠵱家興講全球化，甚麼都以地球為單位，幾塊散開的大地，突然滙合變成一條地球村。世界上嘅人係咁多，搵嘅錢係咁多，生產力係咁多，為咗能夠賺到盡，巨型公司開到周圍都係分部，重周不時你咬吓我，我吞吓你，如無意外，不久嘅將來，地球村上只剩幾間超級大公司，全世界人變相幫呢幾間公司打工。
為了方便管理呢條地球村，各國嘅人坐埋一齊成立咗唔同嘅管理公司、機構或組織，用意係更方便地去管理地球村。呢班嚟自唔同單位、背景、立場、國籍嘅高級管理人員，理念應該係以世界為大前提，為地球人謀幸福。可惜，地球村上雖然沒有劃分國界，但富與貧、強勢與弱勢卻像是黑與白一樣清楚在呈現眼前，富的為了更富而巧取豪奪，強勢的令弱勢的更弱勢，好令自己更強勢。這群地球村的高級管理層，雖然開口埋口世界乜世界物，但其實他們最後都清楚自己是甚麼國籍的人，人不為己，天誅地滅，放在四海都一樣，所以甚麼地球村、無國家，壓根兒是用嚟講、講、講的名堂。
幻想可唔可能培訓一批真正的無國界人類，由各地的精子及卵子庫提供精英中的精英，從小灌輸他們無國界意識，毋須效忠任何一個國家，一切以宏觀的眼界去看世界，沒有國籍或種族的包袱，他們可全心全意的去為世界謀幸福，乍聽起來像是一個「衞斯理」的中篇故事，但想深一層，其實我們早已住在一個非常「衞斯理」的世界。