投資推廣署署長盧維思雖然拉到好多外商嚟香港設總部，但係佢仍要埋頭搞掂埋維港巨星匯個財務審核報告，先至可以做番本行。八方問呢位唔知有冇怨入錯中國籍嘅鬼佬高官報告進展如何，佢話呢個月底點都要交功課。
𠵱家睇番轉頭，盧維思雖然唔係咁愛中國，但勝在愛港，沙士時期，就曾經一日花咗四千大元買咗五對鞋，刺激經濟嘛，不過佢咁「豪」重有一個原因，原來政府退咗三千大元嘅稅，佢一毫不留，自己另加一千，就攞住四對Clarks同一對爬山鞋返屋企嘞。
搞維港匯，散錢請美英樂隊嚟表演，係一種不愛國嘅行為。國內有蘇州評彈、瀋陽雜技，點解唔請祖國藝人來表演振興經濟？若果今日搞維港匯，土共一定會追殺盧同胞。
傳真︰2623-9278
電郵︰