北京果然向死鬼老鄧問米，發掘出二十年前嘅講話，鎮壓住港人嘅民主訴求，都算虧共產黨諗得到，TVB重播番當日老鄧嘅片段，好多觀眾乍眼以為佢老人家復活，據聞有啲師奶嚇到喊，以為見鬼，重打算向影視處投訴話老鄧片段令人不安㖭。
老鄧人矮但係高瞻遠矚，做事大膽，不過講嘢一時一樣，佢亦話過治港者要以「中間派佔多數」。
不過，始終佢嘅接班人眼光奇劣，欽點個淨係識「愛國」，唔識做實事嘅儍仔做特首，係咁斷送咗香港，佢泉下有知，一定好㷫。
八方有個老友聽從中方指示，用老鄧嘅標準嚟逐個評審特區領導班子係咪愛國者，結果發現老鄧真係幾聰明，一早就預咗會出現好似老董呢種「無間道式」嘅人物，外表尊重自己民族，擁護回歸，但暗啞底一日到黑搞呢搞路破壞香港嘅繁榮和穩定。可惜，國家知錯已經太遲咯陰功。
傳真︰2623-9278
電郵︰