鍾尚志突然敗走巴布亞新畿內亞，香港人譁然，李鵬飛太太就更激動，八方聽聞佢當晚知道呢個消息，猛問飛哥，呢個政府搞乜鬼，不但打殘中產，重趕絕人才？
飛哥飛嫂同鍾醫生旅行而相識，當年應卲逸夫邀請，佢哋同團出外去玩，由於飛嫂全程叫胃痛，鍾尚志主動上前問症，重叫佢返港後到威院檢查吓，結果俾鍾醫生發現飛嫂嘅十二指腸潰瘍得好厲害，叫佢以後唔好再飲牛奶，重開咗啲藥畀佢食，食完好番晒。
鍾尚志幾乎救咗飛嫂條命，李家同鍾家就成為好朋友，飛哥同鍾尚志都鍾意打橋牌，有時約埋三數知己打番一個下晝，飛哥話鍾醫生牌技叻過自己，點知佢橋牌叻，官場嘅太極手更叻，鍾尚志頂唔順，惟有告別生佢養佢嘅香江。
飛嫂話：「佢好好人，係個好醫生，佢好肉赤啲同事同市民。」不過，廢董執政，益晒巴布亞新畿內亞嘅土人，對第三世界貢獻都係好大。
傳真︰2623-9278
電郵︰