狄美摩亞（DemiMoore）男友艾斯頓古查（AshtonKutcher），近年做咗美國MTV真人騷《Punk'D》嘅主持、監製兼幕後黑手，整蠱唔少荷李活名人。呢個節目最近推出DVD，除咗JustinTimberlake俾佢玩到喊之外，Pink同JackOsbourne都中招。
艾斯頓首先搵咗Justin做目標，佢同Justin嘅媽咪夾計，當Justin返到屋企，見到海關充公晒佢屋企啲嘢，佢當堂唔知點算好，只係企埋一邊喊晒口。佢阿媽喺閉路電視見到個仔咁樣，重笑到見牙唔見眼㖭！
而Pink亦曾成為艾斯頓嘅目標。有日Pink返到屋企，一入門口就見到同居男友俾警察逮捕，啲警察重話Pink涉嫌同單偷車案有關，搞到佢心亂如麻。Pink得悉被玩後，即時㷫到向艾斯頓爆粗，極之火爆。另外，艾斯頓又施計整蠱JackOsbourne，重搞到佢當眾剝褲，認真失威！
但最巴閉都係BritneySpears，佢同艾斯頓夾計，整蠱番節目嘅工作人員，我羅拉都服咗佢！