CSL贊助今年馬季三冠大賽第二關─香港金盃，廣邀傳媒入場觀戰，八方於是去沙田睇吓呢場四百五十六萬元獎金嘅大賽。由噚日開始，馬場准用手提電話，八方以後可能會入多啲場。
呢場二千米本地一級賽，安排喺第八場，人人都買馬女「勝威旺」，點知臨尾隻「牛精福星」喺高雅志胯下直路尾段透出，半個馬位壓倒大熱嘅「勝威旺」，結果滿地眼鏡，馬主王永強就最開心，由滙豐大班艾爾敦手上接過獎盃，喜形於色。
三冠大賽頭關「風雲小子」贏咗，次關「牛精福星」爆大冷，尾關遮打盃五月三十號跑。馬會近來為吸引人入場，連祖訓如唔准打電話嘅規例都肯改，各位馬迷，到時去捧吓場啦。
（圖）「牛精福星」爆冷捧盃，馬主王永強（前排右三）梗開心。
傳真︰2623-9278
電郵︰