花園街巧遇波鞋拆家「石崎Dude」。佢喺加州長大，滿口美國俚語，經常Dude前Dude後稱呼人（Dude讀音『嘟』，美國俚語即『老友』咁解），加上傳聞佢老竇係日本人，個名有個崎字，漸漸就被人稱佢為「石崎Dude」。原來佢正計劃開波鞋舖，佢話：「HeyMan，我屋企儲咗幾百對鞋，全部係未着過嘅Nike，一個款有幾個Size，全部都係炒款，嗰度都值幾十萬。𠵱家我想SettleDown組織個Family，YouKnow，養家就要錢！我以前將積蓄投資晒去啲鞋度，𠵱家套現，一部份用嚟結婚，另一部份將會喺美國買Nike股票。來來去去都離唔開Nike咯！」「石崎Dude」呢個諗法，絕對有現代街童本色。新舖選址原本打算在「月餅場」，佢話：「嗰度啲租最近起番晒，地產經紀同我講，𠵱家旺角啲舖租全線有升冇跌，因為有旺角時代廣場之稱嘅『朗豪坊』年尾開幕，成個地舖巿道全面睇好。搞到我𠵱家開舖預算大增，惟有賣多兩對Nike鞋辦補數咯！」
主持人：大食Jack
八卦熱報：
●時下潮界街童不愛儲錢，只愛儲鞋，甚至當成投資。