首場個唱堅持唔咪嘴
關心妍努力性感：我交足貨㗎

關心妍一連兩場紅館個唱前晚順利揭開序幕，她總共穿上五套服飾亮相，件件性感，還多次做出俯身動作，連歌迷也大叫「好勁」。關心妍自言今次交足貨，努力性感之外，亦做到唱現場及不走音。

關心妍前晚舉行處女個唱的首場演出，她穿着五套性感服裝登場，幾乎件件都低胸DeepV，盡顯玲瓏浮凸的身材，當觀眾走近送花時，關心妍亦不怕洩春光俯身收花，令紅館滿場豔色，歌迷尖叫不已，有觀眾不禁大叫：「好勁呀！」關心妍即風騷地左搖右擺地說：「乜勁先？我講咗有DeepV就真係有啦，冇呃你哋㗎。」
關心妍其後又對觀眾說：「我都有交足貨㗎，有瘦身，有冇睇頭呀？我好努力都係得咁多，我知我個樣同身材都差啲，好少人話我身材好，不過係咪都唔使豐胸呀？」

「俾人話我矮唔靚」
後來關心妍還煞有介事地對觀眾說：「好多謝唱片公司嘅人對我雪中送炭，啲人話我矮話我唔靚，冇可能做到歌手，但都重咁撐我，我有鬥心唔會令佢哋失望，自己盡量唔走音，唔會唔唱live，希望香港樂壇個個歌手都再努力。」
關心妍的母親及其外籍男友都有捧場，而呂方、陳慧嫻及傅珮嘉則擔任表演嘉賓。
呂方出場時反應極之熱烈，他興奮地說：「關心妍出道兩三年就開演唱會，我出道二十年只開過一次，大家都可能唔記得，我好緊張，好少喺紅館唱歌，有冇留意隧道口我個大廣告，其他公司好cheap冇宣傳，唔似我哋咁揼本。」

「做本份冇暗寸人」
事後關心妍接受訪問，表示怕被指不夠性感，故已盡力交貨給觀眾，問到俯身收花不怕走光？她表示：「少少驚啦，fans未見過嘛。」
提到陳慧琳曾被指開演唱會不唱現場，楊千嬅又曾在個唱中走音，問關心妍提及走音及不唱現場怕不怕得罪人，她說：「我話自己啫，我會做好本份，冇暗寸人喎，我係堅持唱live，音要準，其他嘢唔評論。」
對於被陳慧嫻大讚是香港少數識唱歌的女歌手，關心妍說：「唔止我，容祖兒都唱得好。」
採訪：王連連
攝影：何國豪