七十二歲老伯梁廣順，遷上公屋多年，但一直欠缺煤氣熱水爐及煮食爐，生活十分不便。
「呢幾年都係沖凍水涼，年紀愈嚟愈大，唔係咁掂囉；另外，因為冇煮食爐，咁耐我都係靠個電飯煲，煲得飯嚟又煮唔到餸。」梁伯向記者述說苦況。
梁伯役役營營大半生，在染廠工作數十年，其後因為工廠北移，他轉行任職保安員，直至四年前才退休。
單身的梁伯，積蓄已耗盡，兩年前開始向社署申領綜援金，過着簡樸的生活。
由於經濟緊絀，梁伯雖然獲派公屋多年，惟家中許多基本電器也欠奉。
「我份綜援平均每日得八十蚊用，扣除伙食、水、電雜費，已經冇乜錢剩，重邊有能力買嘢？𠵱家我只希望有一部煤氣熱水爐同煮食爐。」
梁伯慨歎，由於沒有煮食爐，他連煲熱水洗澡的機會也沒有，每逢天寒地凍，惟有咬緊牙關用冷水沐浴。
善長的點滴捐款，可助梁伯達成添置電器心願，改善生活。
捐款編號：C1287
暖流熱線
電話:29908688
傳真:23702192
電郵:
網址：