劉德華與張學友前晚在西環繼續拍攝新片《江湖》，兩位主角與數十位臨時演員被人造雨淋得全身濕透。學友在拍攝後向在場記者表示：「喺呢度拍咗兩晚，啲頭髮又濕又重，雖然好耐冇拍戲，但拍番都冇話唔習慣，今次拍檔又係華仔就更加唔會感到陌生。」
華仔與學友拍完濕身戲後，有工作人員立刻為兩人遞上毛巾，但一批同樣要濕身的臨時演員，當然沒有人服侍，不過華仔對他們亦很照顧，不停叫眾人到大光燈下取暖。華仔說：「我係比較好彩，一出道影壇就拍《投奔怒海》做主角，就算喺電視圈都冇做過臨記，所以都算係平步青雲，不過今晚拍俾幾十人追斬場面，就唔多威，係一個受傷的野獸。」
身為該片監製的曾志偉，前晚到場探班，他表示：「部戲阿倫（譚詠麟）係出品人，另外，寰亞、星美同華仔都係老闆，部戲五月一日上，會同《新紮師兄》對撼。」
採訪：魯萍