司徒華俾曾憲梓挑戰佢嘅愛國情操，佢老人家當然火起，咁多年嚟做反對派，俾共產黨排擠，你話華叔為乜？你曾常委甘願被視為上賓，咪住北京飯店貴賓樓，出入人民大會堂囉，使唔使咁出位，博做政協副主席咩？人哋霍英東講嘢就得體得多。
華叔身經百戰，當然唔會理曾黑面發噏風，佢同八方講，都七十三歲咯，知道自己想做乜，一切已有計劃部署，唔通今日先決定九月選唔選？
𠵱家華叔日日游水，身體好fit，佢同啲老人家一樣都合資格攞生果金，佢細細聲話畀八方聽，佢都有攞，不過，唔係自己要，而係捐畀支聯會，真係有意思，不愧係支聯會主席。
傳真︰2623-9278
電郵︰