有「彎路王」美譽嘅標致206車系，繼新代理於早前運嚟性能表現，同埋車廂配搭較前更佳嘅新版206GTI180後，為迎合不同車迷需要，又於日前運嚟新增有多項設備嘅2004年新版206XTPremium1.4型號。
雖然驟眼望去，新車造型與原有型號相近，但原來佢已經改換上全新設計嘅四輪14吋合金胎軨、新款尾燈及蜂巢式入風網組合，令賣相變得更具吸引力；就連一組頭燈都用上新設計，而且重有自動感光開關功能，有助增強晚間行車安全度㖭！
打開車門你又會見到前後兩排座椅，用上承托力及手觸感更佳嘅絲絨物料、電鍍門柄、首飾箱內置5碟式CDChanger嘅高級音響，當然唔少得係新車賣點之一嘅天幕式車頂配搭啦！然而，新車除沿用一台輸出充裕嘅1.4公升引擎，作為動力核心外，重新增有Tiptronic-SystemPorsche（+/-）半自動波箱，從而為你帶來無窮駕駛樂趣呢！
至於售價方面，全新標致206XTPremium1.4為$129,900起，若你正想買部歐洲車代步的話，不妨落Showroom查詢一吓噃！