綠色力量主辦嘅環島行噚日舉行，金管局總裁任志剛呢幾年都係捧場客，今年都唔例外。八方查番資料，任總舊年行畢全程嘅成績係九小時五十五分鐘，開步禮前同佢傾起，任總笑言今年老咗一歲，睇怕完成五十公里嘅路程，時間要多一粒鐘。點知經過實驗證明，任總應該比舊年後生一歲，因為佢全程只用咗八小時四十五分鐘，快過去年紀錄超過一小時，重破埋自己前年首次參加環島行嘅紀錄，認真唔簡單。
任總嘅助理Vincent李，同李雲迪一樣外形瘦削，亦係行山高手，全程只係用咗六個幾鐘，睇嚟金管局行得之人，比比皆是。
另外，有線寬頻亦派隊參加，由主席吳天海率領下，共有二十八人出席，籌得七萬幾善款。
（圖）任志剛（左）同陳智思（右）噚日都有份「環島行」。
傳真︰2623-9278
電郵︰