時移世易，家陣學生哥所用的文具愈出愈有趣、且功能多多。好似以下介紹的擦膠及修正帶，就絕非泛泛之輩。
單講外形經已與別不同。而且唔單止得個樣，要知道普通擦膠只有4隻角，用久了4隻角都會變得「光滑圓潤」，當要擦掉細字或線條時，便擦得未夠靈活。這外形奇趣的擦膠由10個小正方形組合而成，形成28隻角，無論你擦到邊都總有一隻角，啱晒畫圖用。（$12）
用嘴來修正、有腳走動的修正帶你見過未？最新抵港的企鵝形修正帶，外表得意之餘，還特別在雙足位置附有一對碌，方便使用時作支撐以免滑溜，既慳力又提高修改之準確度。（$48）
售賣點：city'super