呢期最紅嘅立法會議員，自然係外號「民主女神」嘅余若薇，噚日佢帶住一班中七學生參觀立法會，班學生重即場扮口水多過茶嘅立法會議員，玩吓模擬動議辯論，拗《校服條例草案》。班學生梗係好開心，好踴躍發言，最後《校服條例草案》以大比數否決，而保良局馬錦明夫人章馥仙中學巫堃泰同學，重得到「最具議員風範獎」，佢詞鋒銳利、引經據典，余若薇重大讚同學發言時有張文光、劉慧卿同陳偉業影子，但八方心諗，似張文光重可以話出口成文，但劉慧卿同陳偉業出名靠惡，卿姐重係立會「四大惡女人」之首，似佢，唔好啩！
（圖）余若薇（中）頒獎畀詞鋒銳利嘅巫堃泰同學（右）。
傳真︰2623-9278
電郵︰