方力申（Alex）、鄭中基、李彩樺、Shine及Cookies等人，前晚到海逸酒店出席公司春茗，陳家倫、何麗全、杜汶澤及谷德昭等亦有到場。鄭東漢私人捐出數千元作抽獎，由兒子鄭中基抽中，可謂肥水不流別人田，而Alex負責上台抽獎時，則抽中給緋聞女友Stephy。
對於有周刊指方力申與鍾欣桐（阿嬌）同遊日本共住一房，Alex說：「咁多報道都係失實，話阿嬌追我又同我同房，我好戥佢唔抵。」問到Alex有否打算追求阿嬌，他說：「𠵱家唔會，你問我任何一個女仔，我都會咁答，我哋只係朋友。」
另外前林峯緋聞女友的李彩樺，亦有看過對方被指整容的報道，她說：「我好耐冇見過佢真人，如果我有機會返TVB就幫大家睇真啲啦，或者篤吓會唔會爛。不過佢英俊瀟灑，根本唔需要整容。」
採訪：李珮洳
攝影：仇志德
