噚日下午全港邊個地方最多「愛國愛港人士」？咪就係北角新都會酒樓囉，因為民建聯舉行新春酒會，出席得嘅當然都係根正苗紅嘅愛國者，唔怪得民建聯前主席曾鈺成上台致辭，一開口問候大家，就意氣風發咁講咗句「各位愛國愛港嘅同胞，大家好！」
如果按左派解讀鄧伯伯嘅講法，分分鐘只有呢啲「逢共必擁」嘅人先愛國，咁下屆特首人選，好大機會係呢個酒會中其中一位。
主席馬力就冇阿曾咁風騷，俾記者追問愛國定義問到怕。鬼咩，講嚟講去，邊有人講到具體嘅標準吖，個個都係抬鄧伯伯番話，好似背書或者播帶咁講一次。
馬力竟然出絕招想甩身，向記者話自己啱啱病完，「係禽流感呀，驚未！」記者點會上當。
傳真︰2623-9278
電郵︰