如果你向來有留意本地車壇動態的話，相信都會知道屬第2代嘅全新越野路華Freelander，已於日前正式推出，代理方面更於上星期五（2月20日），為其舉行一個簡單而隆重嘅登場盛會。
當日，一眾車廠要員、代理高層及一班傳媒，早已齊集位於灣仔嘅越野路華陳列室，場面可謂十分熱鬧；隨後代理及車廠代表，先後發表演辭後，蓋於新車上嘅布幕被徐徐拉下，代表咗全新Freelander正式登陸香港市場。
與此同時，著名影星王敏德（MichaelWong），當日亦有到場出席新Freelander嘅登場儀式，更惹來不少記者及來賓爭相拍照，Michael亦來者不拒，非常友善；吖！唔知向來喜愛好似越野路華各車系一樣、擁有全天候個性車種嘅Michael，會否成為新一代Freelander嘅車主呢？
