張家輝與關詠荷去年年底在澳洲悉尼註冊結婚，直至近日才補拍婚紗照，家輝表示早年已拍過婚紗照，原本不考慮再拍，不過卻引來關詠荷不滿說：「咁即係冇偈傾。」
張家輝與關詠荷去年年底結束十三年愛情長跑，在澳洲悉尼註冊結婚，回港後二人即埋首工作，直至近日與蒙羅麗莎婚紗攝影簽約後，才拍婚紗照。
張家輝表示早於四、五年前已經與關詠荷擔任另一間婚紗攝影公司的代言人，原本不打算再拍婚紗照，不過卻因此觸怒老婆，他說：「我同佢講，叫佢攞番以前影嗰啲出嚟掛，佢聽完即刻話：『咁即係冇偈傾』，其實影完啲相，我最多都係掛喺書房，好似冇咁肉麻嘛！」
張家輝與老婆關詠荷拍攝的婚紗照，除了對酬勞感到滿意之外，婚紗公司更為二人度身訂做所有禮服，當日足足拍了九小時，不過家輝就表示今次的感覺與前大有不同，他說：「上次同佢影婚紗相，佢重係我女朋友，今次大家結咗婚嘅心情都唔同啲，但係拍咗成日都幾攰，我趁轉妝嗰時咪釣陣魚，不過影完都幾開心。」
張家輝被問到婚後一切收入是否由老婆接管時，他說：「賺嘅錢唔係畀晒佢，佢得閒咪使吓我嗰啲，我又唔係有好多錢，使乜人理啫，而且我都唔會亂花錢。」
採訪：卓美娟
