以前，手表只不過係一個報時工具，時至今日，手表已經發展到具備多種功能，有些表款更可以打埋機，嚴格嚟講已經唔止係手表咁簡單。Sorry，我唔係想講手表演變史，只不過係想話你知，今日有個筍表倉，全場至筍除咗有Timex隻超低價衞星定位表之外，重會有其他玩得又睇得嘅細路仔遊戲表同Cat精鋼表，無論你有無時間觀念都好，不妨趁平買番隻。
記者：黃婉冰
攝影：陳智良
ImageBoy：倫
Hair：Sara（DreamDestination）
原價$2,800
此表架勢在其GPS衞星定位器，只要將GPS衞星定位器戴在手臂或腰間，開動定位器後，再按表上的紅掣，定位器就會透過衞星幫你無間斷Check到你所行的路程里數和平均速度，而且數據會不停更新，適合行山人士外亦適合駕駛者使用。另外，手表同時具備倒數、響鬧、計時、50個分段圈速計時等功能，夠晒Pro！
原價$1,500
helix系列中的潛水表，有自動計時功能，只要在落水前按計時掣，一落到水，感應器一感應到水壓後就會自動開始計時。計時嘅同時又會量埋水深同溫度，可儲存20個潛水時間紀錄，50米防水、響鬧俱備，功能基本上已足夠應付一般潛水用途。
原價$1,800
鍾意爬山或者行山，呢隻同系列的爬山表會較適合，除有兩地時間、響鬧等基本功能外，最正功能係可以自動量度氣壓、高度、溫度，資料顯示會無間斷更新，連指南針都有埋，行山一隻表搞掂晒，唔怕蕩失路。
原價$330
自問有時間觀念但又無戴腕表的習慣，可以考慮呢款爬山扣設計的跳字表，集計時、響鬧、星期、日曆顯示、夜光、占卜遊戲於一身。最正係有埋防震，黑色款係「盜墓者羅拉」版，陀住佢學羅拉爬高爬低玩得幾激烈都唔怕！
原價$290
Timex呢款小朋友表，外形搞鬼夠晒討好之外，最重要係有埋占卜遊戲玩，問問題，㩒個掣就有答案，易玩又得意。功能方面，有日期、秒鐘顯示和夜光功能，百零蚊一隻夠抵玩。
原價$360
PowerFighter百分百啱男仔玩，揀角色同怪獸打交，可以出拳起腳，就好似StreetFighter濃縮版。重有PowerSavemode，唔郁佢就會自動熄，夠慳電，基本功能有響鬧、日曆同星期顯示。
原價$280
想真正有機打可以揀呢款TwistWave，內有兩個遊戲，一個食魚Game，玩法類似食鬼，另一個玩打Beat，玩法類似跳舞機，怪獸會跳勁舞。你只要跟番個Beat㩒掣就可以得分，又可以揀怪獸跳舞畀你睇，但最正都係音響同音樂一樣夠強勁，愈打愈起勁。
鋼帶款開倉價$720原價$1,800
外表充滿重金屬味道的Cat跳字表，表肉用上實心精鋼，耐用又重手。備有計時、倒數、響鬧、兩地時間、日曆、星期顯示同100米防水，有膠帶及鋼帶兩款任揀，外表粗豪硬朗，啱晒大男人。
原價$1,760
同樣用上實心精鋼的三針款，長青又經典，具有24小時、日曆顯示、精密計時功能，全鋼表身同樣充滿硬朗及男子氣，外形亦比較傳統。
AutoShop開倉資料：
地址：旺角彌敦道628號瓊華中心121號舖
日期：即日起至2月25日
時間：12:30pm-10:00pm
付款方法：只收現金
查詢電話：27812861