【本報訊】「我要佢哋『斷正』唔可以唔認，所以慢慢走埋去捉人……我哋三個女人捉住咗個女嘅，好大力拉住，佢都搏命走咗半條街，好彩有個休班警員幫手先捉得住佢！」。兩名雌雄賊昨清晨在荃灣偷竊晨運人士財物，被三名晨運婦發現將女賊擒獲，男賊棄下同黨逃去。 記者：杜建彬
警方懷疑兩人與前日現場另一宗偷竊案有關，食髓知味昨再度犯案結果失手，警方正追緝在逃男賊歸案。
現場為沙嘴道遊樂場內足球場，昨清晨五時許，五、六十名男女在龍門架對開集體耍太極晨運，各人如常將個人物品掛在龍門架後鐵絲網上。由於前日現場曾發生一名晨運婦人被偷去掛在鐵絲網上手袋，損失七百餘元事件，昨晨晨運客對掛在鐵絲網上個人財物倍加留神。
至昨晨六時許，一名人稱「師姐」姓胡（六十五歲）婦人耍太極期間，發現一對男女偷走鐵絲網上一個背囊及一件外套後，向遊樂場啟康街出口走去，途中女子打開背囊搜掠。
「我要佢哋『斷正』唔可以唔認，所以通知姓麥（七十歲）女物主同另一名女友慢慢走埋去捉人。佢兩個走近啟康街出口分別將外套及背囊掉在一張櫈上，我哋即時截住佢哋同捉住個女人隻手指佢哋偷嘢。」
「師姐」指兩人先否認偷竊及後互指對方所為，其間突然發難逃走：「男嘅走向福來邨，女嘅走向海霸街，我哋三個女人只敢追個女嘅，好大力拉住，佢都搏命走！」。四人拉扯糾纏至啟康街與海霸街交界時，遇上長沙灣警署一名休班輔警警署警長，合力將姓黃（二十三歲）女疑犯制服，姓麥女事主一個內有二十餘元銀包疑被男疑犯挾贓逃走。警方懷疑兩人亦與前日現場另一宗偷竊案有關。