廉署啱啱喺呢個月十五號舉行咗三十歲生日會，為一連串慶祝活動揭開序幕，為咗配合呢個大喜日子，廉署噚日更首次喺位於中環美利道停車場大廈嘅執行處總部外掛上一幅長二十三米、高八米嘅巨型紀念海報，足足有成兩層樓咁高。
呢幅巨型海報以兩個分別代表七十年代同𠵱家嘅小朋友作強烈對比，將以前對貪污嘅無奈而畏縮，同𠵱家有公平公正環境嘅開心情況作對比，反映「香港勝在有ICAC」嘅重要性。廉署中人同八方講，佢哋今次掛呢幅海報要過建築署、政府產業署同運輸署呢三關，又要做力學同風力測試，先至獲准掛呢幅海報。
（圖）廉署首次喺執行處總部外掛上巨型海報，有成兩層樓咁高。
傳真︰2623-9278
電郵︰