憑電影《忘不了》角逐今屆金像獎「最佳新演員」的日籍童星原島大地，因未符合參選資格被取消提名，其母原島玲子昨日表示主要是金像獎評審的疏忽，希望有關方面為他們澄清。
今屆香港電影金像獎頒獎禮日前公布入圍名單，憑《忘不了》入圍角逐「最佳新演員」的六歲日籍童星原島大地，因拍攝首齣電影《母親快樂》中佔戲甚重，故被取消資格，由《PTU》的張滿源補上。
昨日原島大地的母親原島玲子致電本報表示，有感原島大地被取消角逐資格，全是提名單位及評審單位的疏忽，卻被誤解成原島大地隱瞞曾拍電影，因此感到無奈及遺憾。
原島媽媽說：「我哋從來冇隱瞞拍過《母親快樂》，當時大地重得咗內地『最受歡迎童星』獎，係提名嘅人唔搞清楚，評審又唔了解演員資料，畀人感覺好似大地故意隱瞞博攞獎，好無辜。」
原島媽媽質疑金像獎方面的評選準則，她說：「《母親快樂》係內地電影，冇資格參加金像獎，咁點解又可以計算入否決大地嘅因素入面？如果一早搞清楚，就唔會抹煞佢攞獎嘅機會，我好唔想佢第一部香港電影蒙上污點。文雋（金像獎協會主席）話會有妥善解釋，唔會為小朋友帶來負面影響，但係啲報道寫成童星違規，好似係小朋友嘅錯咁，係咪應該幫我哋澄清呢？」
原島媽媽否認原島大地拍《母》片時片酬只得數千元，她說：「當時片酬有五萬蚊，個報道對佢以後接戲好唔方便。」原島大地現於廣州拍戲，據知金像獎方面邀請他擔任頒獎禮嘉賓，原島媽媽說：「一件事還一件事，我哋唔會推，會好開心咁出席。」
採訪：蔡如育