港大微生物學系系主任袁國勇有個孖生兄弟？如果唔係唔同姓，見到港大專業進修學院副院長陸人龍時，肯定會以為佢同袁教授真係有關係。事關兩人除咗個樣有九成相似外，陸博士亦好鍾意着袁國勇嘅招牌服裝──中山裝。
陸人龍噚日着中山裝出席傳媒春茗，袁國勇專研究沙士，陸博士則搞歷史，所以佢對中山裝嘅來歷大有認識。佢話正統中山裝由國父孫中山創立，胸前有四個袋，代表禮義廉恥；袖口鈕一定要係三粒，代表中華民國嘅「三民主義」；胸前五粒扣鈕，則係意指民國嘅五條憲法。
聽完陸博士嘅講解，八方為佢哋「兩兄弟」擔心，因為中山裝係中華民國代表，佢哋成日着中山裝，分分鐘俾人話依戀前朝，即係唔愛中華人民共和國、唔愛中國共產黨，都咪話唔驚。
（圖）陸人龍唔止樣似袁國勇，重大家都鍾意着中山裝。
傳真︰2623-9278
電郵︰