「呢啲筍盤市場上冇㗎啦」
胡敏珊公開向許志安發功

鐘表界美女胡敏珊及周麗淇昨日往金鐘西武出席護膚品活動，曾與許志安傳緋聞的胡敏珊，對於安仔與鄭秀文分手一事，表示難以置信，並讚揚安仔專一，唱情歌時魅力十足，是市場上難得一見的筍盤。

周麗淇及鐘表界美女胡敏珊昨日往金鐘西武出席Chanel美白護膚品BlancPurete的宣傳活動，胡敏珊表示今年情人節是她首次沒有花收的情人節，當日在家與母親度過。
胡敏珊表示感情上曾經歷不開心，再選擇男友的首要條件是要有幽默感，她昨日說：「不過初相識講眼緣，最好都要靚仔同型仔，重要上進有為同唔好花心。」

「俾佢嘅歌聲電親」
曾與許志安傳過緋聞的胡敏珊，被問到安仔與鄭秀文（Sammi）分手一事，她說：「唔係呀？佢同Sammi係童話、係完美嘅一對，兩個都咁好條件。」問她既然安仔條件這麼好，是否符合她的要求？她說：「好難答呀。」如果安仔對她展開追求，她會否接受？她說：「唔係嘛，我哋好耐冇見啦，佢當然好啦，做佢女朋友就一定開心。安仔唱情歌時好吸引好charming，我都俾佢嘅歌聲電親，最鍾意聽佢同Sammi合唱嗰首《唯獨你是不可取替》。」
再追問胡敏珊與安仔有沒有發展可能時，她笑說：「咁任何人都有可能啦，我重記得佢當眾講過嘅『廚房宣言』，真係一個好男仔，佢個人專一、健康、又跑馬拉松，呢啲筍盤市場上冇乜㗎啦，係重有個劉德華啫。」

安仔教求婚秘訣
此外，近日忙於宣傳新國語碟的許志安，日前表示不再談感情事，但昨日他在台北錄影電視節目時，透露曾因與拍拖七年的初戀女友分手掉眼淚，而安仔與Sammi拍拖十三年分手，他還是覺得長久的愛情關係比較好。
安仔又教節目主持錢韋杉讓男人開口求婚的秘訣，他說：「如果是好男人的話，只要女方為他付出一切，對方一定感受到愛意，千萬不要苦苦相迫，造成男方的壓力。」安仔又表示很滿意目前的狀況，他表示如果哪天醒來突然覺得想結婚，就會向另一半求婚。
採訪：RitaLeung
攝影：ChanKwingWai