愛國口水大風暴，曾憲梓做咗愛國護法，鄔維庸又話香港人係狗，當堂搞到愛國恐怖瀰漫，連藝術節嘅藝術家，都有少少人人自危。
由鬼才導演彭浩翔執導、陶傑編劇、莫文蔚主演嘅話劇《再生緣》，劇情假設作家張愛玲留咗喺大陸，冇去到美國，有乜嘢遭遇？唔使審梗係喺文化大革命遭到批鬥啦。劇中有場文革批鬥莫文蔚嘅戲，採用港式電視遊戲節目演繹，將啲愛國愛黨愛毛澤東嘅紅衞兵，醜化到無倫，班工作人員有啲擔心，怕台戲會遭到鄔曾之流嘅批判。不過唔怕，女主角莫文蔚全套唐裝戲服，由熱愛中國文化嘅美籍華人企業家楊秉堅開設嘅「源」設計。做話劇弘揚國服，用行動表現文化愛國，希望可以平衡番劇中醜化文革（不過文革本身都算醜陋咯）嘅唔愛國政治罪行喇。
（圖）莫文蔚做話劇弘揚國服，算係文化愛國啦。
黑白圖片
傳真︰2623-9278
電郵︰