中銀香港趕及喺「新正頭」結束前，假會展新翼舉辦春節酒會，來臨嘉賓可謂星光熠熠，粒粒猛人，主禮人就有四位特區政府高官，包括煲呔曾蔭權、梁愛詩、馬時亨同埋任志剛。其他賓客自然不乏富豪巨賈，如新世界彤叔及賭王何鴻燊，地鐵周松崗等。
另一邊廂，金管局副總裁韋柏康出席香港銀行華員會五十五周年紀念慶祝典禮酒會，為該會致辭，之後「例牌」獲贈紀念品。銀行華員會就送出副主席姜趙玉蓮特別備的一幅字，包含咗副總裁名字「柏」和「康」，不過呢啲都係中文字，副總裁睇唔睇得明呀？呢份禮都唔知算係有心思定冇心思喇。
（圖）洋記者聽唔清楚中銀總裁和廣北講嘢，豎起左手以示大聲啲，大家唔好以為係敬禮呀。
傳真︰2623-9278
電郵︰