羅大佑受「演藝工會」等機構之邀，三月中喺香港舉行首個「搞搞新意思」演唱會，四月底就喺台灣開，將近二十年冇喺台灣開騷，佢顯得特別亢奮。噚日佢喺台灣舉行嘅記者會不改「羅大炮」風格，開口先如實定性毛澤東係王八蛋，跟住再鬧李登輝係「小毛澤東」（即係小王八蛋），佢重透露自己寫咗一啲歌鬧台灣政治人物，但𠵱家暫時唔講咁多，等總統大選過後再講。
羅大佑正義感十足，有知識分子風骨，只要佢睇唔過眼就會鬧，用音樂表達不滿，佢大大聲話：「我兩岸三地的人都罵，一點都不擔心，毛澤東不出聲就幹掉一堆人，是個王八蛋；蔣介石是專制，但李登輝卻是個小毛澤東，白曉燕事件就是他偉大的政績下產生的，董建華不懂當官，做那個位子注定該被罵，我下一張發行的專輯裏也罵了其他政客，而且罵得更兇。」阿董雖然被辱，但地位竟然同毛頭相等，算係對得住祖宗喇。
（圖）羅大佑噚日喺台灣鬧晒毛澤東、蔣介石、李登輝、董建華。
傳真︰2623-9278
電郵︰