於2003年3月正式推出，以及有傳可望抵港嘅福士Touran，憑藉極具吸引力嘅造型、實用車廂鋪排及出眾性能表現，而成為車迷嘅追捧對象，並曾勇奪多個國際性車壇獎項，如AutoTrophy2003及GoldenSteeringWheel2003等等。
日前歐洲方面又傳來喜訊，指Touran獲德國著名消費者雜誌《GuterRat》，於旅行車及MPV級別中，評選為SensibleCaroftheYear2004；對於今次能夠獲獎，廠方相信與Touran本身嘅多變座椅鋪排、設備配搭就手實用，再加上曾於EuroNCAP撞擊測試中，獲得最高五星安全評級有關。咁又難怪嘅，Touran響去年3月推出後嘅十個月內（2003年3月至12月），經已售出超過51,000部新車，就連市場佔有率更高達16.4%，從而可見佢係幾受車迷歡迎呢！