精明消費：
換新浴簾趕走細菌
「每平方吋的浴簾可以滋長超過10億粒細菌」──日前有美國學者發表如此驚人的研究報告，好恐怖啫！雖然被發現的細菌對身體健康的人士問題不大，但若屋企有長者或長期病患者，就可能有麻煩喇。所以從今日起要勤啲清洗浴簾乃必然之事，而為了讓各位可以有個更健康的沐浴環境，以下即時搵嚟多款樣靚料正的浴簾，以後大家一定要記得定期更換，安全乾淨咁沖個靚涼！
記者：張銘恩、何善華
攝影：林栢鈞
模特兒：Dicky（RichStrategy）
膠質浴簾款靚選擇多
膠質浴簾容易用清水抹淨，款式既美觀又多選擇。但匿藏於膠質浴簾內的細菌亦特別多，如發現浴簾出現黑色霉菌，便要立即更換浴簾。
每天要用1:99漂白水或70%的酒精清潔及徹底消毒，然後自然風乾，咁就保證沖涼時，浴簾唔會有細菌喇！
宣揚平等意識
尺寸：180×200cm
售價：$59（e）
集各「色」人種的RENFANA浴簾，有肥有瘦男女整齊排列在一起。給人的感覺是：「你我不分界限，人人平等」。
湖水綠夠簡樸
尺寸：180×180cm
售價：$480（c）
特別用上較軟身質地的膠料，令這款湖水綠色的浴簾更輕更薄。暗淡的燈光營造柔和一面，清一色唔玩花喱碌，夠晒簡樸。
夠晒浪漫玫瑰花圖案情侶專用
尺寸：180×200cm
售價：$119（e）
ROSALI玫瑰花浴簾，白底襯上紅花，咁浪漫的浴簾，不妨買嚟送給女友齊齊鴛鴦浴。
九筒陪你開枱
尺寸：180×180cm
售價：$250（a）
鍾意打麻雀的朋友必會對這款以「九筒」圖案作為主題的ROOM浴簾大感興趣。淺藍色底色，而「九筒」圖案則以透明膠剪裁，甚為別致。
掃描手繪小動物
尺寸：180×200cm
售價：$49（e）
以一群手繪小動物為題材的IGGE浴簾，有瘦身鴨仔、紅色小兔、黃色花貓、青色鱷魚等，啱晒小朋友。
橙色箭靶射住你
尺寸：180×180cm
售價：$250（a）
沖涼都會俾人當箭靶咁射？無錯，以箭靶作主題的ROOM橙色浴簾，雙重圓形波波圖案形成箭靶標誌，橙色×透明膠極為搶眼。
神秘黑波點
尺寸：180×180cm
原價：$180
售價：$126（b）
黑色×透明波波圖案的ROOM浴簾，惹人遐想之餘亦不失神秘感。波波圖案由上至下不規則地排列，充滿藝術氣質。
圓形波波一味多色
尺寸：180×200cm
售價：$59（e）
布滿大小圓形的FEMMEN浴簾，鮮豔顏色夠晒色彩繽紛。嫌浴室無乜生氣，一於換上這款斑斕色彩的浴簾啦！
簡約菱形圖案
尺寸：180×200cm
售價：$139（e）
以黑×白×灰三色的KILAN菱形浴簾，設計夠簡約，唔太花巧反而多了另一種寫意的生活品味。菱形圖案順序排列，有條不紊，給人舒服感覺。
椰樹花夠寫意
尺寸：180×200cm
售價：$250（c）
躺在椰樹花旁，再配合埋帆船和沙灘椅，不一定發生在沙灘上。這款充滿陽光與海灘的透明椰樹花浴簾，濃濃夏日色彩，匿喺浴缸浸多陣先喇！
人造纖維夠耐用
想手感好啲，就應該選用軟身的人造纖維（尼龍）浴簾。不但輕便，最大好處係可以放入洗衣機清洗，而且比起膠質料的浴簾會較為耐用。
每星期放入洗衣機清洗時，可以加入少量漂白劑加強殺菌作用，平日亦應該每日用酒精或1:99漂白水洗刷（尤其殘餘梘液位置）。當然，若能保持浴室乾爽就可以進一步防止細菌滋生！
潮屋必買緊扣四方框
尺寸：180×130cm
售價：$180(a)
由四方框緊扣而組成的款式，幾何圖案好有PopArtFeel，襯晒一屋60年代的SpaceAge家具，型人至啱。
紅黃蟹爪菊
尺寸：180×130cm
售價：$180(a)
睇落花碌碌又新潮，望真啲原來係過年阿媽必買的蟹爪菊。紅黃青三隻色襯埋兼且大大朵非常搶眼。
和式花花款
尺寸：180×130cm
售價：$180(a)
藍撞白夠晒鮮明，而且幾有傳統和服味道，配襯以藍白色為主調的浴室就最正。
貴得有理日月星辰夠矜貴
尺寸：180×200cm
售價：$780(c)
CosmicBath&Design浴簾，咪以為是普通貨，睇個價位就知並非兒嬉之作！由原產地西班牙越洋過海到港，特別矜貴！
溫馨動物樂園
尺寸：180×180cm
原價：$59.9
特價：$39.9(d)
不但顏色極之柔和，連畫面都零舍溫馨！大象、長頸鹿、獅子、熊人居然能齊齊迫上呢隻「挪亞方舟」，融洽又歡欣。
杏底花女人味濃
尺寸：180×200cm
售價：$380(c)
杏色托出粉紅花，柔和富女人味。頂部掛鈎窿位加上透明膠圈固定位置，耐用又唔怕因浴室濕氣重而生銹。
百搭懷舊之選
尺寸：180×180cm
原價：$190特價：$95(b)
白色底部選用軟身人造纖維，頂部桃紅懷舊印花部份則加上了一層PVC物料，令掛鈎部份更加耐用。
花花水彩畫
尺寸：180×200cm
售價：$330(c)
仿手繪水彩畫甚有童真，荷蘭製造。質料比市面上的人造纖維浴簾厚身，掛鈎窿位亦加有膠扣，實用之選。
「無印」簡約之選
尺寸：180×180cm
售價：$240(b)
非常「無印」，啱晒愛奉行簡約主義的人士。簾頂部份乃透明膠，企住沖涼時可以望到外面，有款得來亦有實際用途！
售賣點：
（a）Francfranc34273366
（b）GOD28905555
（c）colourliving22956881
（d）實惠29237010
（e）宜家傢俬31250888