鄧健泓和盧巧音繼《六樓后座》之後，再度合作拍攝新片，二人在戲中飾演一對暗戀中的男女，更經常摟摟抱抱，不過卻一點也不親熱，反而充滿火藥味！因為他們正在練習相撲。
鄧健泓（Patrick）和盧巧音（Candy）近日合作電影《男上女下》，其中一場戲是講述Patrick有志成為相撲好手，閒時找暗戀女友Candy練習。拍攝時，兩人經常摟作一團，進行埋身肉搏。Candy身輕如燕，所以Patrick不費吹灰之力便把她摔倒。
劇情講述Candy繼承了父母的涼茶舖，街坊Patrick不時到來幫襯，因而結識。由於Patrick立志成為相撲手，因此經常找Candy練習，借故親近。Patrick還得戚的說：「其實要將Candy打低一啲都唔難，佢體形咁輕，我輕輕就可以抱高佢，拍呢場戲一啲都冇難度，我只要配番表情咪得囉！」
此外，Patrick於上周推出個人大碟《新居入伙》，他對於新大碟相當有信心，有很多人都覺得Patrick往往都是紅歌不紅人，對此他表示並不介意，他說：「我覺得唔緊要，總之一日有得畀我出唱片就得啦。我前日去泊車時先知《阿琴》呢首歌就連師奶都識，因為收錢個阿姐無端端叫我唔好成日唱佢，原來佢個名真係叫阿琴，嗰一刻我覺得好開心。」
採訪：比華利、李珮洳
