張栢芝前日領取影后獎座時，駕了一部價值八十多萬元的新Benz，本報昨報道是她所買，但栢芝昨回應說：「架車係向太嘅，係我問佢借車揸，我唔介意大家講我買車，但呢個唔係事實，查番車主邊個就知，我從來未試過一次過擁有十架車，次次都係車換車，我覺得咁都好正常，而且我亦冇能力去揮霍。」
此外，栢芝和吳彥祖前晚在旺角道行人天橋拍攝電影《旺角黑夜》，現場有百多人圍觀，加上數十名記者，場面頗混亂。
有報道指吳彥祖請栢芝食檸檬，對此栢芝說：「呢啲報道好無聊，傾偈又傳緋聞，唔傾偈又話唔妥、食檸檬，吳彥祖都有女朋友啦！」記者指吳彥祖不承認有女友，栢芝即呆一呆說：「我都係睇雜誌咋！」
吳彥祖則說：「下次唔請栢芝食檸檬，請佢食翅囉，不過係碗仔翅。」栢芝經過吳彥祖身邊時說：「唔好意思，踢爆咗你拍拖㖭！」
採訪：卓美娟 攝影：陳烱威