葉璇和張可頤昨日在將軍澳電視廣播城古裝街分別拍攝新劇《西廂奇緣》及《金枝慾孽》。兩個劇集女主角碰頭，話題竟是鄭少秋。
葉璇說：「上次見到老竇（鄭少秋），知道佢拍緊《金枝慾孽》，張可頤今次喺戲入面做佢女人，老竇叫我嗌可頤做阿嬸。」張可頤聞說自己榮升做阿嬸，大感愕然，她說：「咁都得？唔好叫我阿嬸，叫我阿姨算啦！」
葉璇表示最近因趕拍劇集致身體不適，經常感冒發燒，她說：「噚晚又發燒，成面都係粒粒，骨又痛，我睇咗四次醫生先好少少，重有之前同吳卓羲拍一個碌地鏡頭，整損咗隻手，點知兩個禮拜都唔好，我都驚係破傷風，好彩醫生話係我休息唔夠，抵抗力弱先係咁。」
採訪、攝影：楊潔雯