香港人一話要多啲民主，共產黨就驚到儍，又抬晒啲毛語錄、鄧小平文選同「姬鵬飛基本法原意說明」出嚟嚇人，話佢哋當年講過乜講過物，時光倒流到秦始皇時代。
對於治港人才，老鄧講過好多版本，不過佢生前噏得就噏，一時又話愛國者為主體，一時又話以中間派為多數，一個人治嘅國家，阿爺指指個鼻就係法律。
三聯書店出過一本書仔，收集咗老鄧關於香港嘅講話，叫做《鄧小平論香港問題》，當中就有至少三篇演詞提及愛國愛港，喺《一個國家、兩種制度》篇文佢講得最清楚，愛國者嘅標準係：「要尊重自己民族、誠心誠意擁護祖國恢復對港嘅主權以及不損害香港嘅繁榮同穩定」，只要高舉呢三面旗幟，老鄧話甚至信「奴隸主義」都無拘喎！不過，魯迅公然話過中國人都係阿Q，詆毀國人形象，完全唔尊重自己民族，照老鄧咁講，魯迅想做康文署署長都幾難。
（圖）講到愛國，呢幾本書不可不熟讀。
傳真︰2623-9278
電郵︰