噚日八方出咗張路平同兩「俊男」嘅大相，好多男士都想知邊個咁有豔福，親近路平，右邊係自稱「青樓名妓」嘅張永霖係人都知，左邊嗰位細問之下先知係九龍總商會嘅黃熾雄。
台灣嘅駐港機構呢輪好忙，因為台灣總統大選在即，香港唔少政界人士都想組團去考察，希望佢哋幫吓手安排，佢哋包括卿姐、黃成智、黃宏發、蔡素玉同埋張炳良。
劉慧卿大約下個月十八號，以「前綫」嘅旗號去見吓人，睇吓造勢大會，至於班土共對卿姐同馬丁日夜謾罵，Emily只係話：「唔理得佢哋咁多。」去台灣睇選舉，分分鐘被屈同台獨捧場，好彩有個親中嘅蔡素玉掹車邊又話會去唧。剛由新加坡返港嘅黃成智話，民主黨人多，可能要分兩團去，上次大選黃成智都有同新界東嘅區議員去取經。
講開新界東，話就話今年九月有七席，但係泛民主派要取五個唔容易，重要睇吓田少係咪空降落嚟，以及民建聯派邊個上陣，以上次區選計數，佢哋攞兩席全無問題。
傳真︰2623-9278
電郵︰