日前有周刊報道指倪震經濟出現問題，更指他要靠女友周慧敏（Vivian）復出解困。昨日Vivian接受商台節目電話訪問時力撐男友，她說：「話倪震要食軟飯真係一個天大嘅笑話，根本唔需要理會呢個咁無聊嘅講法。」
而問到Vivian是否有意復出時，她否認說：「我好認真咁講，係冇乜嘢新事情發生過，當年冇做幕前到𠵱家都冇乜新嘢發生過。我𠵱家嘅生活方式好適合我自己，如果冇乜嘢特別事情發生，我都唔想改變我𠵱家嘅狀況。」
此外，倪震前晚回應該周刊報道時則說：「呢本雜誌當我係殺父仇人咁砌，又話我一味靠黐，又話我周身刀冇張利，但我啲刀我自己幾滿意㗎！」
此外，張燊悅前晚主持電台節目《絕情谷》時，談及日前被指與雷頌德分手一事，她說：「一直以嚟我都講係朋友關係，朋友唔係用分手嚟形容嘅。」