梁詠琪（GiGi）與古天樂前晚分別在銅鑼灣崇光百貨附近，及糖街外行人天橋拍攝新戲《戀情告急》的宣傳片，內容講述古仔買鞋給GiGi的溫馨拍拖場面、以及GiGi怪古仔情人節不送花的嗌交戲。
最近有報道指鄭秀文（Sammi）因失戀及身體不適，打算退出娛樂圈，古仔談及此事時，凝重地想了一會，然後說：「我都要諗吓，我都要退出，我身體又唔好，成日胃痛。」但對於Sammi的去向，古仔始終沒有回應。
而GiGi聞得Sammi退出傳言，她震驚地說：「我呢輪睇報紙，都有留意佢嘅身體狀況，之前我喺台灣，知道佢取消去台灣，我即刻傳咗個手機短訊畀佢，如果佢係以身體理由想休息，我覺得OK，因為身體真係好重要，如果佢要退出，就一定有佢嘅原因，𠵱家啲傳言都唔知係咪真。」
採訪：楊潔雯攝影：陳烱威