港島泛民主派九月協商參選名單一曝光，八方就知道好大件事，因為大狀黨加民主黨同何秀蘭要六取五並非十拿九穩，咁保釣英雄阿牛又企喺邊？
阿牛斬釘截鐵講，佢一定會參加九月選舉，一定會喺港島區出線。咁點解唔參與泛民主派協調呢？阿牛有啲不是味兒咁話，鄭宇碩有搵過佢，問佢會唔會插隊？但係佢心諗，好難叫人畀佢排頭位，咪話要一個星期時間諗吓先，點知人哋𠵱家名單都出埋，就係冇預佢，佢惟有叠埋心水自己做一張名單參選，咁好似易搞啲㖭。
至於馬丁，八方問佢排第幾？佢話要由黨決定喎，但楊森係主席，梗係佢排第一，言下之意，佢會排第二，咁就危啦，再問落去，馬丁有啲眉頭皺，心事重重咁喎。
傳真︰2623-9278
電郵︰