混血女模MaggieQ昨日往灣仔出席OnPedder的最新手袋鞋履展，她透露現已有固定男友，但情人節男友不在港，她只有和一班單身朋友度過。Maggie並指若遇上心儀男士不會主動出擊，因她與大部份女孩子一樣，享受被追求的過程。
混血女模MaggieQ昨日以特別嘉賓身份，往灣仔星街OvoLiving出席OnPedder的手袋鞋履展。昨日展出的最新春夏手袋鞋履，均是OnPedder的熱門品牌，包括JimmyChoo、MarcJacobs及今季開始OnPedder取得獨家代理的PierreHardy等。
其中JimmyChoo的一個啡色鱷魚皮手袋，售價為四萬八千元，而鑲滿水晶寶石的高跟鞋，則售九千元。一向花邊新聞多多的MaggieQ昨日直認已有固定男友，但情人節當日男友不在港，她只好與大班單身好友度佳節。
問MaggieQ有否收到男友送的鮮花及朱古力，她只說：「我唔鍾意送朱古力畀人，淨係鍾意買衫畀男友。」她又慨歎在港難有追求者，她說：「因為我表面好cool，如果唔keep住個cool樣，會有好多trouble，其實扮cool都係一種保護層嚟啫。」
問MaggieQ是否相信一見鍾情？她說：「我信㗎，不過多數都唔會長久囉。」至於遇上心儀對象，會否主動出擊？她說：「唔會啦，我同大部份女仔一樣，都好享受俾人追嘅過程。如果遇啱鍾意嘅男仔，我會畀個眼神佢，呢個message佢都實收到啦啩。」她更表示自己絕不像電影《魔幻廚房》中飾演那類玩弄愛情的人。
此外，與Celine關係良好的MaggieQ下月將會飛往巴黎，欣賞Celine主帥MichaelKors在Celine最後的一場時裝展。
採訪、攝影：RitaLeung
