陳小春本月底舉行個唱，特別找來當年風火海兩位舊拍檔朱永棠及謝天華任嘉賓。前晚三人一起排舞時，身為小春緋聞女友張栢芝舊愛的朱永棠絕少與小春交談，小春亦不願與他並肩合照。
陳小春將於本月底在紅館舉行兩場演唱會，他近日正密鑼緊鼓綵排，前晚更相約表演嘉賓、風火海的舊拍檔朱永棠（Jason）及謝天華（Michael），到九龍城排練。
朱永棠是陳小春緋聞女友張栢芝的前度男友，有傳小春與Jason曾鬧不和，前晚所見，二人明顯表現尷尬。三人合照時，小春被要求站在中間，但他卻讓Michael站在中間。小春又不斷與Michael傾談，鮮與Jason聊天。
事後三人接受訪問時，提到Jason是栢芝舊愛一事時，小春說：「我唔知，你問番佢哋。」
Jason則說：「我不嬲唔講嘢，我噚日綵排咗一日，個人好攰呀。」問Jason是否與小春不和及是否要大打出手分高下時，他笑說：「佢唔夠我打，我不嬲都有操㗎。」Jason又表示與栢芝已沒聯絡。
而Michael被問到小春與Jason是否不和時，他說：「唔覺喎，頭先喺房見到佢哋有傾偈，兩個笑笑口，講乜就聽唔到呀，感覺氣氛唔太差呀。」
Michael又表示會在小春的演唱會上爆料，小春則說：「如果佢會爆料，我以後就要戴眼識人，最多爆我煲煙撩鼻屎，我冇乜唔玩得，或者佢一講嘢就熄咗佢個咪。」
此外，小春早前曾表示要找蔡一傑及草蜢任表演嘉賓，最後卻打消念頭。昨日身在新加坡的蔡一傑在電話中說：「有啲失望囉，我好耐冇同小春合作，但我一定會返香港睇小春表演支持佢嘅。」
採訪：胡比 攝影：陳志嵐
