梁詠琪（GiGi）與古天樂再以情侶組合演出電影《戀愛告急》，今次GiGi演鞋店售貨員，戀上銀行經理古仔，前晚古仔開工時，因胃痛要提早離場休息，原來他因平時吃食物太急，導致胃部受損。
梁詠琪與古天樂主演的《戀情告急》前晚在銅鑼灣拍宣傳片，戲中古仔飾演銀行經理，GiGi演鞋店售貨員，有日古仔因失戀在街亂逛，迷迷糊糊到了一間鞋店，當他看見GiGi此位售貨員就一見鍾情，在古仔熱烈追求下，兩人終譜出戀曲。
古仔與GiGi已第三度合作，前晚在銅鑼灣拍街景，吸引了二百多名途人圍觀，古仔約十時許離開，事後記者致電給他，始知古仔因胃痛要稍作休息。近期古仔胃部經常感到不適，他說：「今晚要拍通宵，但呢排成日胃痛，早幾日我睇過醫生，醫生話我可能係食嘢太急，食物未完全咬碎就吞，搞到俾部份食物磨損個胃，所以醫生吩咐我，以後食嘢要改變吓，盡量唔好食得咁急，要將食物慢慢咀嚼晒先吞，咁就比較容易消化。」
GiG首次演鞋店售貨員，她覺得很新鮮，她說：「今晚喺銅鑼灣開工，諗唔到有咁多人圍觀，我都好耐冇喺呢區行街，因為我都怕人多嘅地方，喺呢部戲我做售貨員，接拍呢部戲前，我都盡量了解吓鞋店女售貨員嘅動靜，希望可以演得似啲。」
採訪：卓美娟
