「玩具大王」蔡志明的次女蔡加穎去年因患抑鬱症自殺身亡，同樣受過抑鬱症困擾的林建明為照顧及輔導抑鬱症患者而成立「心晴行動慈善基金」，前日她游說蔡志明捐贈玩具作慈善拍賣，蔡志明即捐出一百萬元相助。
曾受抑鬱症困擾的林建明（大姐明），有見張國榮、藍潔瑛、容錦昌以及不少香港人也受到抑鬱症困擾，所以發起「心晴行動慈善基金」照顧及輔導抑鬱症患者。近日大姐明為該基金展開連串籌備工作，前日她便約見了「玩具大王」蔡志明，希望游說對方捐出玩具作為該會未來慈善活動義賣之用。
據悉蔡志明有見次女蔡加穎去年亦因抑鬱症自殺身亡，深深明白到抑鬱症的痛苦，不但答應捐出玩具，而且更二話不說開出一張一百萬元支票予「心晴行動慈善基金」，令大姐明感動到即場落淚。
記者昨日致電大姐明求證時，她直認不諱說：「係呀，其實呢個會喺今個月十一號已經正式註冊，我諗住搵埋義工然後正式宣布成立同開始運作。成立呢個基金係希望社會人士唔好歧視抑鬱症嘅人，又會輔導班病患者，教導佢哋家人點樣去照顧抑鬱症病人，乜嘢都有，提供一條龍服務。喺咁嘅情況下，需要好多資源，所以未來會搞義賣同演唱會呢啲活動嚟籌款。」
大姐明又說：「第一炮係義賣，所以諗住搵蔡志明捐啲玩具出嚟拍賣，因為佢個女曾經患抑鬱症，相信佢會明白啲。我同佢唔熟，噚日去佢寫字樓見佢，嘩！佢好nice、好親切、好細心、好關注呢個病症，佢聽完我講解個基金運作之後同我講：『我睇要使好多錢，義賣賣得幾多吖，不如我捐一百萬起帶頭作用啦！』當時我真係感動到唔識講嘢。」
大姐明強調蔡志明今次拔刀相助，並非單單因為女兒曾經患上抑鬱症，而是對她有信心和認為值得信賴所致。
採訪：戴彩煥 攝影：陳烱威