市建局在大角嘴櫻桃街嘅重建項目，完成晒收樓程序，為物盡其用，將即將拆卸嘅舊建築物租咗畀銀河電影公司拍戲，唔怪得日前條街堆滿晒人，有得睇明星，梗係唔執輸。
市建局嘅發言人話，第一想輔助吓啲創意工業；其次唔好嘥，有幾萬蚊進帳，幫補吓。之不過，啲舊樓拆晒嘞，到時又去邊處取景？係咪又重搭建番個五十年代香港懷舊城？當然拍戲還拍戲，第一個條件係唔可以擾民。不過咩嘢叫「擾民」？好似「愛國」咁，好難定義喎。聽講喺度拍緊嗰套片叫做《大件事》，係警匪片，由任賢齊同陳慧琳做主角，都算大卡士噃。
（圖）陳慧琳（右四）同任賢齊（左四）等日前去到大角嘴拍戲。
傳真︰2623-9278
電郵︰