「入伙四年搞足三年，問題幾乎輪流發生。究竟我哋重要忍到幾時？」大角嘴海富苑居民，提及屋苑的渠管問題，均怨聲載道。
其中居民何先生投訴稱，海富苑的外牆渠管滲漏問題四年來不斷發生，全屋苑五幢樓宇，幾乎「均等」地出現滲漏；他指出，每次發生此情況時，房屋署均着業主立案法團自行聘請工人維修；但維修後問題仍再發生。
「我哋請人維修，佢哋話啲渠管嘅建築結構有問題，唔可以就咁修修補補；一定要搞番好個根基先得；但房署就一直話未確實查出原因，所以次次都要法團自己搞掂先，根本治標不治本！」
他說，2002年7月，海寧閣外牆去水管更曾出現彎曲情況，整條由頂層伸延至地面的去水管，在十五至十七樓間呈現「蛇形」，「真係好誇張！唔明呢個屋苑點解咁多問題；究竟係咪基本設計上嘅問題呢，至今都係一個謎。」
記者往屋苑視察，見部份單位外的排污管，不斷滲出污水穢物，甚為惡心，其間亦傳出陣陣臭氣，令人難受。一女住客譚太說，「你只係逗留一陣都唔安樂，我哋長時間要喺呢度生活，情況可想而知！」
根據香港房屋委員會早前發給海富苑業主立案法團的覆函所指，部份單位的排污管駁口，確有移位情況，有需要進行維修，估計其中一可能性是喉管受橫向壓力所致，惟真正原因仍有待調查；若日後證實有關滲水情況屬建築潛在缺陷，房委會會安排退回已支付的維修費用給海富苑管理基金戶口中。
居民稱：「佢哋初步都認為係橫向壓力，建築界指呢個係樓宇結構性嘅問題；所以一定要搵個徹底針對源頭嘅解決方案；唔可以只係頭痛醫頭、腳痛醫腳；咁樣只會不斷將問題重複！」
除受排污管滲漏困擾外，居民亦非常擔心屋苑鋁窗的問題。去年七、八月，接二連三發生鋁窗脫落墮地意外，但原因仍未查出。「啲鋁窗設計好怪，完全無拉釘，我哋唔肯定咁係咪有關；大家一直催促房署交詳細報告，但係一直無下文！」
房屋署發言人回覆本報查詢時承認，部份單位的渠管駁口位確出現滲水問題；但房署已派員到有關單位查察，並會盡快安排維修；暫時已有個別單位已維修妥當。至於確實的滲漏原因，現仍在調查當中。至於鋁窗脫落問題，發言人強調非常關注，並一直跟進調查，預計下月會有詳細報告。 （○二○五○○八）
服務熱線
電話:29908288
傳真:23702192
電郵:
