今年係廉署成立三十周年，廉署前日推出最新一輯廣告，用番七五年第一輯宣傳片嘅人物──小販做主題，透過當年同今日兩個小販嘅細路眼中，帶出當年小販做生意要畀黑錢，到今日就唔同晒做對比。
廉署話，廣告中飾演七十年代細路嘅六歲小朋友可謂「為藝術而犧牲」，替佢剪個當時最流行嘅「陸軍裝」，細路無乜所謂，但要佢着件污糟衫扮小販個仔，佢老大唔願意，結果要導演同阿媽力𠱁先搞掂。七十年代場景喺石硤尾公屋樓下拍攝，廣告公司買咗幾百個蘋果，細心挑選最紅最大嘅蘋果擺喺木頭車上，觀眾不妨留意吓效果靚唔靚？
（圖）廉記最新海報，用細路嘅眼光對比當年同今日嘅貪污情況，一睇就知今時唔同往日嘞。
傳真︰2623-9278
電郵︰