和黃大班霍建寧昨日親自上陣，宣布喺香港推出兩部分別來自NEC及摩托羅拉的新3G手機，其中一部平到唔使一千蚊，真係賤物鬥窮人。
霍大班重話自己一家大小都用3G，因為想了解到唔同性別、年齡嘅興趣所在；例如新推出嘅音樂短片下載服務，香港有2R、張學友、李克勤等；外國就有15CENT、Eminem等，霍大班問個女鍾意邊個，答案係「呢啲外國歌星好cool」。問到手機電池壽命較短時，霍大班話「我太太唔係成日用，一嚿電已可以用成日；但自己經常要下載內容，好快就用完」。佢重話買咗部畀媽咪，初時諗住要有排教佢用，但老人家好快上手，𠵱家得閒重用視像電視同自己講電話，多咗好多話題。
推廣3G都出動一家大細，連阿媽都唔放過，霍大班難怪𢭃兩億人工。
傳真︰2623-9278
電郵︰