若然大家有留意開海外新車報道的話，相信唔少車迷都曉得喺嚟緊3月上旬舉行嘅日內瓦車展上，將會有多款新車登場。其中，除亞Mark昨日提及過嘅MiniCooper開篷車之外，一直在港備受用家追捧嘅德國平治車廠，亦經已落實推出Facelifted新版嘅C-Class；據聞，新車款要變得更具跑意，務求要營造出SportsSaloon嘅局面，以抗衡近期不斷上位嘅寶馬3系及奧迪A4嘛！
其中，新車外形最大改動，會係頭泵把連氣霸，要變得帥氣又富動感之餘，響安全性方面重加入可自動轉向嘅頭燈組合；然而，亞Mark至欣賞會係新車嘅座艙鋪排，尤其係全新底盤設計，以及取材自新款E-Class嘅儀表板同中控台組合㖭！據聞新C-Class響3月面世後，右軚新車會好快引入香港，極有可能會係四月份左右，有興趣嘅車迷，就真係要拭目以待喇！