向來以製造高性能跑車而聞名於世嘅雅士頓．馬田（AstonMartin），歷年來多款車系皆惹人注目；然而，響臨近瑞士日內瓦車展舉行嘅時間，外國方面就有消息傳出，指廠方現正落力研製全新VanquishRoadster開篷版本，並有機會於車展會場內展出咁話。
從圖片中可以睇到，有望於車展會場內展出嘅全新VanquishRoadster嘅造型，與Coupe硬頂版相近，依舊保留有流線型嘅車體設計，但改用開關容易嘅軟篷頂配搭後，望落更見吸引；至於車廂配搭方面，由於暫時未有關於呢方面太詳細嘅資料，故有待廠方公布更多關於呢方面嘅詳細資料後，方可作實。但一般相信會與Coupe硬頂版一樣，備有承托力甚豐嘅跑車座椅外，更會有其他豪華配備啦！
消息又指廠方會為新車安排一台6.0公升V12引擎，馬力及扭力輸出分別係460匹及56.7kgm，用以驅動此車可謂綽綽有餘。