不獲無綫續約的梁思浩，昨日一身黑衣返無綫交還職員證，雙方正式結束十多年賓主關係，但梁思浩因遺失泊車證，被無綫要求繳交一百元罰款，身無分文的他只好向記者借錢。
梁思浩日前得知無綫不再跟他續約，大受打擊，更直斥無綫無情無義。無綫方面要求梁思浩離職後交回職員證，他昨日下午二時許專程返將軍澳電視廣播城交證，適逢無綫職員協會就大裁員一事發起「黑衣行動」，被無綫拋棄的梁思浩亦特地穿上黑衣以示支持。
梁思浩向藝員行政科交還職員證後，在兩名保安陪同下步出寫字樓，梁思浩表示尚有一張藝員泊車證未歸還，他說：「佢哋要我還番張泊車證，但我張泊車證唔見咗，之前貼咗喺架車度，但架車三個月前已經賣咗畀人，我唔記得搣番落嚟，TVB話唔見咗張證要賠一百蚊，我話冇帶銀包喺身，可唔可以寄番張支票返嚟，但佢哋話如果我唔寄咁點？估唔到TVB一張紙都咁貴！」結果記者即時借了一百元給他交罰款，思浩感激地說：「TVB無情，記者重有情！」
梁思浩三個月前換了現時的平治座駕，當時他還未知自己不獲續約，未知換車後的他經濟上可有壓力？梁思浩頗激動說：「TVB不嬲冇畀錢我，上年我做三十個騷，全香港人都知我三千蚊一個騷，我要做足六年兼唔食先至夠錢買呢部車！多謝TVB第一批裁我，等我可以早啲搵嘢做，競爭冇咁大！」
梁思浩表示有線及其他收費電視曾斟他演出，亦有出版社斟他出書，不愁沒有出路。此外，陳慧珊昨日對無綫一班職員寄予祝福說：「最緊要樂觀啲，冇乜嘢值得唔開心嘅！」
採訪：卓美娟 攝影：陳志嵐
