陳慧琳(Kelly)、任賢齊、張家輝及內地演員尤勇等合演的新片《大事件》,昨日在大角嘴封街拍攝槍戰戲,身材高䠷的Kelly昨日穿了一對三吋高的高跟鞋,令一眾男演員都不願站到她身邊,Kelly說:「唔理得咁多,我着平底鞋唔靚,就算生人勿近,為咗靚都冇辦法。」
Kelly去年不惜花費約二十萬元進修演技,近日她在黃秋生穿針引線下,終拜得毛俊輝為師學演戲,Kelly說:「秋生出力兼出錢請食飯,約咗毛俊輝出嚟,老師建議我先學理論,而我會將近幾年演過嘅戲畀老師睇。」
此外,導演杜琪峰透露昨日封了振榮街拍攝,是向政府申請了一個月才獲批,他說:「後日就要交番條街畀政府,呢度每日租金頭四個鐘三千幾蚊,之後四個鐘就千幾蚊,因為場面好大,所以工作人員都有過百人。」
採訪:魯萍
攝影:陳烱威